《2020香港小姐竞选》将喺本月底举行,当中现年20岁嘅赖琦媛(IVY)初选时有Benz接送,事后佢豪气噉指「Benz唔係名车」,因此而畀网民封为「寸嘴IVY」!
人红自然是非多,赖琦媛接连畀网民翻出黑历史,指佢「女大十八变」,短短几年由眼细同包包面变成大眼瓜子脸,身材又连升几Cup,畀质疑整容,又踢爆佢烂蒲拜金见仔就电。
呢日,记者影到赖琦媛坐车去TVB期间,见到赖琦媛喺车入面食烟,而且对手全程伸出车窗之外,任由烟灰散落马路上,懒理乱揼垃圾会畀罚款1500蚊,顺手将烟头扔出个窗,毫无公德心!
等赖琦媛做完嘢之后,「名车中佬」返TVB接赖琦媛,当记者上去影相嘅时候,中佬表现得鬼咁惊青,赖琦媛就一面愕然频,定神之后佢先尴尬同记住打招呼,问到对方係咪男友时,佢口窒窒话:「唔係,係屋企人嚟。」
再追问係咪其父,赖琦媛就话:「屋企人嚟,唔好影啦!」中佬见到亦急急护花,自称并非赖琦媛男友,佢哋之后双双上楼,逗留约半个钟,中佬先独自离开。
事后,记者问到港姐监制陈旭亮会唔会对赖琦媛作出训示或者劝喻时,佢表示:「我了解情况先,如果确有此事,梗係会劝喻。进入初选嘅佳丽,大会已经明确表面要佢哋注意自己嘅言行。」
本文由星闻娱乐提供 http://www.teemx.com
|
鲜花 |
握手 |
雷人 |
路过 |
鸡蛋 |
• 新闻资讯
• 活动频道
更多